قانون الطبيعة

موضوع: قانون الطبيعة الجمعة يونيو 11, 2010 2:13 am

قانون الاصطفاف :

إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت هلأ فيه

قانون الطبيب :

بتكون مريض ولما تروح عند الدكتور دوغري بتطيب! حتى بدون ما توخذ الدواء

قانون الدين :

عمرك ما داينت حدا ورجعّلك الفلوس بنفس المعاد!!! لازم يشحتفك عليهن كإنك انت المتداين

قانون النظافة:

ما بيعرفوا بالبيت النظافة الا وانتا معطل عن الشغل!!

طبعا ببلش الشطف والغسيل ونشره وريحة الكلور و إصبع النيلة تاع ايام زمان ....... الخ

قانون التلفون :

عمرك ما تتصل على رقم غلط ويطلع مشغول

قانون التصليح :

بعد ما إيدك تتزيت وتتوسخ من الشحم ودهن الماكينة، منخارك يبدأ يحك

قانون المعدات :

إذا وقع من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه

قانون الأعذار :

إذا تأخرت عن الدوام وقلت لرئيسك أن كان عندك عجل مبنشر، اليوم اللي بعده يبنشر عن جد!!ا

قانون الالكترونيات :

إذا أخذت جهاز عند مصلح بدك تفرجيه انه ما يشتغل، يم بصير يشتغل أحلى كلام

قانون السينما :

اللي حاجزين كراسي في النص لازم يجو آخر ناس ويدوسو على رجليك

قانون القهوة :

أول ماتجيب لك قهوة وانته فالدوام، يجي مديرك ويعطيك شغلة ما تخلص الا لما تبرد قهوتك

قانون المصادفات :

إذا كنت مع واحد (وحده) وما بدك حد يشوفك معاه، فجأة كل اللي بتعرفهم بطلعو من كل مكان

قانون الأقساط :

إذا عندك سيارة أي سلعة مطلوبه للأقساط،،، مجرد أن تنتهي الأقساط تخرب

قانون الزواج:

بعد شهرين من زواجك... ببلشوا الناس يسألوك ها ... في إشي عالطريق ؟؟؟

قانون نهاية الأسبوع :

كل يوم بتروح عالشغل نصك نايم أما بيوم الجمعة بتلاقيك الساعة 8 قاعد زي التوتو

قانون الراتب :

آخر الشهر لازم كل العزايم والهديا والطلبات تزيد )حبكت يعني

قانون الطقس :

لازم بنهاية الاسبوع وانت متحمس تطلع تفيع أو تسهر مع الشباب

بصير الجو هوى وغبار وحر و رطوبة بمعنى ثاني،، الفصول الاربعه بيوم واحد

و أخيرا قانون البحث :

إذا حبيت تدور على شي معين(ما بتلاقيه)....

مع إنك كنت كل يوم تشوفه مزتوت بخلقتك ؟؟